芒果糯米茲
芒果糯米茲 列印
作者是 atse   
材料:
糯米粉200g(篩好),栗粉 1茶匙 (篩好), 綠茶粉15g(篩好), 砂糖4湯匙, 油1茶匙, 清水200g, 椰絲1包
做法:
1. 將所材料搓勻蒸10分鐘, 插入筷子抽出, 沒有黏著糯米皮就OK
2. 穿上膠手套, 拿一團糯米團放手心壓扁(小心燙手), 放餡料於中心, 再以包湯圓咁嗟圓,再沾上椰絲即成。若不愛椰絲的朋友可以將面粉用白鑊炒熟代替椰絲沾面。
小貼士:
1. 此份量可整大約20粒(視乎你搓得大定細)。
2. 不喜綠茶的朋友可以不加,變成一般白色面的糯米慈
3. 餡料我用紅豆蓉,因為感覺上比較與綠茶夾d;另外亦用了芝麻,不過很難才可將芝麻包在糯米皮之中,要好似包雲吞咁”鍊”埋個口再搓先得。
我昨晚也試做了芒果味, 效果挺好. 我用的芒果汁是在Sogo買的紙盒裝Mango Nectar(中文名好像是芒果甘露, 每盒1公升, 放在Marscarpone Cheese的凍櫃) 比維他芒果汁香濃. 另外, 我加了1湯匙煉奶一起"叮", 所以出來的糯米皮也夠味. 剛做好的熱吃有少許酸澀味, 但雪過夜今早再吃就完全不覺酸澀, 口感和味道都挺不錯.


小碧, amyleung:
粉紅色真係好靚呀,我依家成手都有d士多啤梨味添呀~~~
lotte果隻juice有235ml,$4.9,佢入面有果肉既,整埋落去都幾有咬口,唔錯架,而且我發覺佢仲香過自己搾既strawberry juice囉~
我整果陣就落左差唔多3湯匙既糖啦(用晒全部juice),我落糖之前試左用少少漿去叮,叮完發覺冇乜味先至加糖,再拎少少去叮,試到o岩味先整~好香架,快d試下整啦~~
我bf話士多啤梨糯米chi好好味呀,好開心,hehe~~~佢話d士多啤梨酸酸到o岩o岩可以中和番糯米chi果種'漏'喎~
我今日都整左幾粒芒果味,屋企有個水仙芒,雖然冇呂宋芒咁香,不過好甜好甜呀,補番個皮唔夠既甜味同芒果味,好正!!!!不過如果個皮既芒果味都濃d就好喇,我已經落左芒果香油,但係都唔夠味呀唔知點解.....
救命呀!請問糯米慈係咪好難消化,我頭先整咗五粒巨型花生糯米慈,因為個樣奇醜但味道好好,我唔想浪費就一個人食哂,宜家個胃好唔舒服,點算好?

佢地之前都講過用地捫一罐既好味d,但係好難搵,我搵左好耐都搵唔到,所以都係用紙包飲品咋,不過你又唔駛驚佢會太甜,因為我整過,試過唔落糖, 結果竟然係一d味都冇,最後都係要落糖,所以佢一定唔係太甜,至於色呢,都唔駛驚,因為叮完舊野會深色左架~只係會唔夠味囉,我落埋香油都覺得唔係好夠, 可能落得太少香油啦~
你快d試下整,我bf同我d fd都話好好味呀!!
我果隻地捫o係士多買,$7有240ml,好似粒粒橙汁果D瘦身礶咁既size,佢係杰過維他芒果汁o架。我覺得加D椰槳,會香好多,所以我用半碗芒果汁加半碗椰槳。



我多數做糯米慈....都只係放一碗食飯碗糯米粉, 一碗食飯碗凍水, 一匙糖,
放入微波爐 中火 5分鐘就成, 再放入豆沙, 這份量可以做12個
做出黎就會好軟身, 可以放到3日到!
一湯匙.....
做出黎好好食架....你跟住我o既份量就成功架o勒!
材料又間單....
不過有個小小o既秘訣!
你用一個保鮮袋 (好cheap 一卷卷果d呢) 加小小油落袋到 (塗滿個袋)然後用個這個袋盛住你已煮熟o既粉....好似同佢做按摩咁(搓o下佢)..可以另d 粉再軟熟d....即時再用把餐刀係袋到分成12份然後包入豆沙.....就一d 都唔會"痴"手.......不過你一定都要穿手套..(記住又要落小小油) 做成後你要記住一定要放在已放滿糕粉o既碟上.....唔係又會"痴"住隻碟o架o勒!
p.s. 我d 豆沙係老三陽買架! ($16.5已經有一斤)



我有新信興個示範糯米慈食譜ar!!
材料:
糯米粉(白象牌) 1 斤
開水 2 1/2碗
粟膠 1 湯匙
椰茸or片粟粉 適量
餡料 隨意(豆茸,麻茸皆可)
做法:
1.先將糯米粉開水,搓成粉糰狀.
2.預備一煲滾水.
3.抽出粉糰成湯圓狀,用手壓扁,放在熱水中煮.粉皮熟後將浮在水面.隔水盛起.如此類推,直至煮熟所有粉糰.
4.將煮好的粉皮座熱水中,再加上一湯匙粟膠與糝皮攪成糊狀,待凍.
5.戴上即棄膠手套抽出小粉糰釀餡,捲上椰茸.
備注:加上粟膠的作用可令粉皮更煙"刃"和更有質感.如覺粉皮略淡可在加粟膠時同時加入糖調較.
但係煮熟左之後仲可唔可以搞返埋架?
咪好多水份囉?
可以搞返埋架,不過就要攪耐少少.
你係要將粉皮撈起,"瓊"乾d水,都唔會好多水份,濕濕地law!!